10 av våre kjernesaker

• Sikra nok barnehageplassar til alle som ynskjer det, og ein barnehagestruktur som gjer kvardagen for barnefamiliane lettare, samt auka grunnbemanning i kommunale barnehagar og på småskulesteget.
• Verna grendaskulane ved å seia nei til private skular.
• Følgja opp kvalitetsreforma «Leva heile livet», i tett dialog med innbyggjarar, pårørande, brukarorganisasjonar, Eldrerådet og det frivillige lagslivet.
• Seia ja til flaumvern og ja til vassdragsvern i Vossovassdraget.
• Heradet må i nært samarbeid med NVE utvikla gode vernetiltak mot flaum og ras i heile heradet, og leggja press på statlege styresmakter for å sikra at flaum- og rassikring vert eit nasjonalt ansvar.
• Halda fram arbeidet med å utvikla ein heiltidskultur og gje tilbod til vaksne tilsette om å ta fagbrev.
• Voss herad skal vera aktiv medspelar og tilretteleggar for nærings- og arbeidsliv, og for idretts og kulturliv.
• Sikra at heradet er ein pådrivar, tilretteleggjar og bidragsytar til at reiselivet kan utvikla seg i ei berekraftig og klimavenleg retning.
• Utvida tilbodet til Kulturskulen, både når det gjeld undervisning i dei ulike kunstartane, og at tilboda vert gjevne i ulike delar av heradet.
• Arbeida aktivt opp mot sentrale styresmakter for å sikra lønsemd i landbruket, og fremja forståing for korleis eit livskraftig landbruk på avgjerande vis samverkar med andre næringar her på Vestlandet.
• Voss herad skal ha ein aktiv lokal landbrukspolitikk. Ha bustadbygging og tilgjengeleg tomteland i alle delar av Voss herad, og sikra bygging av ulike bustadtypar, slik alle kan koma seg inn på bustadmarknaden.
• Menneske med nedsett funksjonsevne skal få tilbod om eigen bustad og deltaking i arbeidslivet.

Les heile programmet her.